منتدى يوميات ديروط

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى يوميات ديروط

كل ما يحدث في ديروط تجده هنا


    طريقة عمل الكيك المخطط بالشيكولاته

    avatar
    قمر الزمان


    المساهمات : 3
    تاريخ التسجيل : 02/12/2013

    طريقة عمل الكيك المخطط بالشيكولاته Empty طريقة عمل الكيك المخطط بالشيكولاته

    مُساهمة  قمر الزمان الإثنين ديسمبر 02, 2013 4:49 am

    بسم الله الرحمن الرحيم

    الى كل فتاه لاتحب المطبخ سوف اقوم بمساعدتك حتى تحبيه Smile Smile 

    كل يوم ان شاء الله هانشرلك اكله جديده وسهلة جدا جدا جدا bounce bounce bounce 

    وهانبدأ انهارده ان شاء الله بحاجه حلوة علشان افتح نفسكمcheers cheers cheers cheers 

    هاوصفلك طريقة عمل الكيكة بالشيكولاته وهى ن شاء الله هاتطلع ناجحه جدا لو اتبعتى الخطوات دى بالضبطbounce bounce 

    المقادير: 2ملعقة سمنه , 1و1\3 كوب سكر , 4 بيضات و 2 ورقة فانليا , 1كوب لبن , 2كوب دقيق , رشة ملح , 1 بيكنج بودر , 3 ملاعق كاكاو خام

    اولا هاتى الخلاط اه الخلاط وحطى فى الكاس بعد ماتغسليه وتنشفيه كويس حطى 2 ملعقة سمنه كبار بس مش اوى يعنى معلقة الاكل بس ماتمليهاش جامد وبعدين ضيفى عليهم السكر وشغلى الخلاط عليهم لمدة دقيقتين وبعدين ضيفى البيض حطى وحده وشغلى الخلاط اول ماتلاقيها اتخلطت كويس ضيفى التانيه لغاية اخر واحدة ضيفى عليها الفانليا واضربيهم كويس مدة دقيقة وبعدين حطى البيكنج بودر على الدقيق مع رشه الملح واخلطيهم مع بعض وبعدين ضيفى شويه منهم فى الخلاط وشغلية وماتفصيلهوش وضيفى نص اللبن وبعدين باقى الدقيق كل دة والخلاط شغال وبعدين باقى اللبن واخلطيهم كويس بعدين افصلى الخلاط وهاتى وعاء فارغ واسمى الخليط نصفين حطى على نص منهم الكاكاو وقلبيه بمعلقة كويس وهاتى صنية ادهنيها سمنه ورشى فيها شوية دقيق  وضيفى الخليط بالتناوب شوية من الابيض وشويه من الشيكولاته لغاية لما يخلص سخنى الفرن على 180 درجة وسيبيها حوالى 45 دقيقة واوعى تفتحى عليها قبل 25 دقيقة لتهبط منك واول ماتحطى فيها السكينه وتطلع نضيفة اعرفى انها استوت طلعيها واستنى لما تبرد وقطعيها وبالهنا ان شاء الله

    وادعوا لابى بالرحمة والمغفرة

      الوقت/التاريخ الآن هو الخميس مارس 28, 2024 11:29 am